68. NINI UFANYE ILI NYWELE ZAKO ZIKUE VIZURI?

🧚‍♀️Kwanza kabisa unapaswa kuzikubali nywele zako na kuzipenda , jambo hilo litapelekea mahusiano mazuri, kuelewa tatizo la nywele zako na kuanza kuchukua hatua taratibu ya kuzipatia uvumbuzi tatizo hilo.

🧚‍♀️Pili, unapaswa kufanya usafi wa kina wa ngozi na nywele zenyewe kwasababu endapo nywele zitaachwa chafu, basi ule uchafu unaziba matundu ya nywele na kuzuia njia kama vile ambavyo matundu ya uso yakiziba unapata chunusi.

🧚‍♀️Tatu, ni kulinda unyevu wa nywele. Pale nywele  zinapooshwa, yale mafuta asilia ya kuzilinda huondoka na uchafu. Nywele inabaki ikiwa na udhaifu fulani maana haiwezi hata kushikilia hayo maji yaliyoo vizuri na zikikauka zinakuwa kavu sana. Ni vizuri kabla hazijakauka vizuri, zikafanyiwa ‘condition’ , kwa zile nywele ambazo ni nyepesi na chache pia kuna bidhaa zinasaidia kutunza vizuri unyevu na hivyo kuwa na afya nzuri.

🧚🏻‍♂️Hatua inayofuata ni ya kupaka mafuta kichwani, kwani mafuta yana umuhimu mno katika ukuaji wa nywele na mafuta mazuri ni ya kimiminika kama vile Black castor oil, Coconut oil, Jojoba oil nk  ambayo yamewafaa baadhi ya watumiaji wengi .

🧚🏻‍♂️Njia nyingine ni ya kuzichambua vizuri nywele kabla ya kuzichana, hapa mtu anatakiwa kuwa na subira na nywele zake , asifanye haraka haraka kuzichana na ikiwezekana aziloweshe maji kidogo halafu ndipo azichane kwa chanuo kubwa lenye upana wa kutosha (wide toothed comb) ili kuzipa afya na kuepuka kujiumiza wakati wa kuzichana.

NB: Mtu anayetunza nywele za asili anatakiwa kupunguza matumizi ya moto kama vile pasi ya nywele, dryers na vingine kama hivyo. Nywele zinatakiwa zichanwe kawaida na ziachwe zikauke zenyewe kwa hewa bila kuzilazimisha.

66. JINSI YA KUTUNZA NYWELE ASILIA (NATURAL HAIR)-PART 2

- Kwanza kabisa unatakiwa kuosha nywele zako vizuri kwa kutumia shampoo ambayo imetengenezwa kwa ajili ya natural hair (nywele asili) au kama utatumia shampoo iliyotengenezwa kwa ajili ya nywele zenye dawa basi jaribu kutumia shampoo yenye conditioner. Hii itasaidia nywele zako kuwa laini na kuzuia zisiwe kavu baada ya kuziosha.

- Pili ni kupaka mafuta nywele zako, zifanye nywele zako zivutie kwa kuzipaka mafuta ya maji kama vile mafuta ya nazi, olive oil, jojoba oil au castor oil kwa sababu mafuta haya hulainisha ngozi ya kichwa, kufanya nywele zikue vizuri na kuzuia mba. Mafuta ya mgando hutengeneza mba kwenye nywele za asili kwa urahisi sana tofauti na nywele zenye dawa.

-Pia usisahau kuzifanyia steaming nywele zako kwa mwezi hata mara 2, tumia steaming products kwa ajili ya natural hair au fanya steaming ya yai ni nzuri sana kwa kurutubisha nywele za asili. Mfano; Osha nywele zako na shampoo kisha koroga yai na paka kichwani kwenye ngozi, Vaa kofia ya plastic kwa dakika 45, kisha osha vizuri.

-Kitu kingine ni kuzichana vizuri nywele zako, nywele za kiafrika ambazo hazijawekwa dawa zina asili ya kujisokota au nyingine ni kipilipili hivyo mara nyingi huwa zinafungana, hivyo wakati wa kuchana inabidi uwe mwangalifu zisikatike, tumia chanuo ambalo ni pana na hakikisha umepaka hair lotion (hair moisturizer / pink lotion) kwenye nywele na mafuta ndio uanze kuchana taratibu. Wakati wa kulala jaribu kusuka mabutu na kuvaa kofia ili nywele zisijifunge au kujisokota.

65. JINSI YA KUTUNZA NYWELE ASILIA (NATURAL HAIR)

Kwa wale ambao tuna nywele asilia ( natural hair) tayari tunafahamu changamoto kadhaa tunazokumbana nazo. Kwa wale mnaofikiria kuanza kuwa na nywele asilia, karibuni sana tuendelee kujuzana namna ya kutunza nywele zetu kama tulivyopewa na Mungu.

Katika mada ya leo,nitakwenda kuzungumzia vitu vya kuzingatia ili kuikuza nywele yako asilia kwa haraka zaidi. Je,unazifahamu nywele zako vizuri? Una nywele za aina gani? Zina tabia gani? Zinataka na kupenda nini?

KARIBU UJIFUNZE

- Kuzikubali kama zilivyo na kuzipenda.
Utasikia ..hiki kipilipili changu ni steelwire ya kimataifa, ..hakitikisiki hata upepo wa dunia yote ungevumia pande hizi. Mwingine oh.. nywele zangu kama miti ya mibuyu kichwani…hazishikiki.Tatizo ni kwamba hamjafahamiana vizuri yani wewe na nywele zako. Hata mimi niligombana nazo sana huko nyuma kabla ya kuzielewa vizuri hivyo jambo la msingi la kuzingatia katika nywele zako ni kujenga mahusiano mazuri tu na nywele zako ,zielewe, ukifikia hapo utaanza kuzipatia hata hazitakusumbua.

- Usafi wa ngozi ya nywele na nywele zenyewe.
Nywele zenye afya huanzia kwenye ngozi safi ya nywele. Nafahamu unataka nywele zako zisidumae kwa hiyo zioshe vizuri. Wakati uliopita nilizungumzia kuziosha kwa product zilizo rafiki(Products zisizo na viambata sumu). Ngozi safi ya nywele itasababisha nywele kupata njia ya kujitokeza nje kwa urahisi. Unapoziacha chafu, ule uchafu unaziba matundu ya nywele zako na kuzuia njia, kama ambavyo matundu ya uso yakiziba unapata machunusi maana uchafu unajaa basi kwa nywele hazitakua vizuri.

-Linda unyevu wa nywele zako
Kila mtu akisikia kiu hunywa maji. Nywele zako zinahitaji kulindwa zisisikie kiu. Unapoziosha,yale mafuta asilia ya kuzilinda huondoka na uchafu. Nywele inabaki ikiwa na udhaifu fulani maana haiwezi hata kushikilia hayo maji yaliyopo vizuri, na zikikauka zinakua kavu sana. Ni vizuri kabla hazijakauka vizuri, ukazi-’condition’. Kwa nywele ambazo ni nyepesi na chache, pia kuna product za kuzisaidia ziweze kutunza vizuri unyevu na hivyo kuwa na afya nzuri.

- Zifahamu nywele zako
Yani hapa ndo shule ilipolalia kabisaa maana ukizijua tu basi utazihudumia kwa usahihi. Unatakiwa kuangalia namna gani nywele zako zinanyonya unyevu. Unajuaje?
Nilishaelezea kwenye posts zilizopita ila leo pia nitarudia kwa kifupi..
🧚‍♀️Chukua kikombe,kijaze maji safi (Ukipata glass itakuwa vizuri zaidi)
🧚‍♀️Chomoa unywele mmoja kichwani,hakikisha unatoka na kale kamzizi kake keupe keupe hivi.
🧚‍♀️Tumbukiza unywele wako kwenye glass yako ya maji hakikisha imeingia yote.
MATOKEO
-Kama ikizama hapo hapo na hainyanyuki tena,basi nywele zako zinanyonya unyevu kwa haraka kabisa.
-Kama inachukua muda kuzama,au haizami kabisa,nywele zako zinanyonya unyevu taratibu au zinanyonya kwa shida .(Wala usihofu,zipo namna ya kuzifanya zinyonye unyevu kwa haraka,tutajuzana.)
Ni kwamba ‘cuticle’ zake zimefunga haswa,ndio maana unyevu au maji haviingii kwa haraka.

🧚‍♀️Kwa hiyo ukifanya ‘deep conditioner’ kwa kutumia joto kama la drier lakini uwe moto mdogo sana au ufanye ‘hot oil treatment’ itakusaidia ‘cuticle’kufunguka na unyevu kupita.
🧚‍♀️Mbadala,unaweza baada ya kuosha suuza na maji ya vuguvugu halafu weka mafuta ya kimiminika.Inasaidia sana.

Je wewe una nywele aina gani? Tukutane kwenye comments😘

KUMBUKA: NYWELE NZURI NI MATUNZO NA HAKUNA NYWELE ZINAZOKATAA MATUNZO MAZURI

ITAENDELEA....

64. JINSI YA KUNYOOSHA NYWELE BILA KUTUMIA MOTO

Picha hii inaonesha tofauti kati ya nywele iliyoharibika (Damaged hair) na nywele nzuri zenye afya (Healthy hair)

Katika utunzaji wa nywele asili, adui mmojawapo anaeweza kuziharibu nywele zako na kufanya usipate matokeo mazuri na kufanya nywele za zisipemdeze ni matumizi ya moto; iwe katika kukausha, kunyoosha au kuset. Kama unataka nywele ndefu za asili, inabidi uanze kujifunza jinsi ya kurefusha nywele zako na kutunza nywele zako. Leo nakupa siri kadhaa za kuzingatia ili kukuza nywele zako kiusahihi zaidi na kupata matokeo unayoyapenda.

 – Nywele sio asili ya mtu: Sio lazima uwe ‘point 5’ au mtu mweusi wa Marekani kuwa na nywele ndefu. Watanzania wengi wana nywele ndefu, sema wanajua jinsi ya KUTUNZA NYWELE BILA KUZIHARIBU.

– Usitumie moto kali: Kama unapenda kunyosha nywele zako, usitumie dryer sana kwasababu nywele zako zitakatika. Kama ni lazima utumie blow dryer, tumia setting ya baridi ili nywele zako zinyoke.

– Tumia mafuta mazuri: Tumia mafuta mazuri  ya kukuza nywele zako pamoja na routine nzuri ya kuzitunza nywele zako. Kama unataka nywele ziwe ndefu, paka mafuta kwanza kwemye ngozi ya kichwa,  suka mabutu kabla kulala, na uzipe nywele unyevu mara kwa mara.

-Usiache nywele muda mrefu bila kusuka hii ni kuzuia nywele zisipigwe na upepo sana hivyo kuzuia kujifunga na kukatika pia

 – Tumia shampoo nzuri isiyo na viambata sumu kama salts, paraben na sulphates. Shampoo inasaidia kusafisha ngozi ya nywele ili nywele zako zikue haraka.

KUZA NYWELE ZAKO KIASILI, KIUSAHIHI NA SALAMA ZAIDI

63. JINSI YA KUTUMIA MAJANI YA CHAI KWENYE NYWELE

Majani ya chai yoyote yale yawe ni yale ya kawaida, green tea au rosemary yana umuhimu sana katika ukuaji wa nywele. Wengi hutumia maji yake katika kusuuzia nywele (Wengi huita Rinse out tea); hapa unaweza tumia vitu mbali mbali tutazidi kuviangalia kwenye posts zinazofuta.

FAIDA ZA MAJANI YA CHAI KWENYE NYWELE
-Yanajaza nywele
-Yanang’arisha nywele
-Yanarudisha rangi ya asili ya nywele zako na kuzipendezesha zaidi
-Yanazuia nywele kukatika
-Yanarefusha nywele kama inavotakiwa

NB: Kuna njia nyingi za kutumia maji ya majani ya chai kwenye nywele
1. Unaweza kuchanganya kwenye steaming yako
2. Unaweza kusuuzia nywele zako baada ya kuosha

NJIA YA KWANZA
-Chukua vijiko vitatu vya majani ya chai weka kwenye sufuria safi
-Baada ya hapo ongeza maji nusu lita
-Acha yachemle kwa dakika 5 hadi 10 kisha yaache yapoe kabisa
-Baada ya hapo chuja upate maji ya majani ya chai bila makapi
-Baada ya kuosha nywele na shampoo na kusuuza na maji ya kawaida zimwagie nywele zako maji hayo uliyoandaa (ukimaliza hapo usioshe tena nywele)
-Unaweza endelea kupaka steaming yako uliyoiandaa

NJIA YA PILI
Mahitaji
-Vijiko vitatu (3) vya maji ya chai
-Tui la nazi
-Mafuta ya nywele (Castor oil/Coconut oil)

JINSI YA KUFANYA
-Changanya vyote kwenye bakuli moja
-Paka kwenye nywele zako vizuri
-Vaa kofia ya plastic au kaa kwenye steamer kwa dk 30 hadi 45.
-Osha nywele zako vizuri na maji ya kawaida halafu unaweza suuza tena na maji ya chai uliyokwisha andaa hapo awali.

62. MAJANI YA MPERA KAMA STEAMING

Katika Post No. 58 tulijifunza jinsi ya kutumia majani ya mpera kama leave in conditioner, pamoja na faida zake kadhaa. Majani ya mpera (guava leaves) ni kati ya kiungo muhimu sana ambacho watu wengi wanaotumza nywele zao kimewaletea matokeo chanya sana. Hivyo hata wewe msomaji kama bado hujajaribu unatakiwa kujaribu iwe ni kuzipa nywele zako unyevu au kama chakula cha nywele.

FAIDA ZA MAJANI YA MPERA 

-Yanafanya nywele zinakua laini

-Yanarudisha rangi ya asili ya nywele na kung’aa zaidi

-Kujaza nywele 

-Nywele zinakua well moisturized

MAHITAJI

-Majani kadhaa ya mpera (10 hadi 20 yanatosha kabisa)

-Mafuta ya maji (Castor oil, coconut or olive oil)

-Asali kiasi

JINSI YA KUANDAA

-Safisha majani yako vizuri ili kuondoa uchafu na takataka zote.

-Yaweke majani kwenye blender na ongeza maji kidogo halafu blend ili kupata juice

-Chuja vizuri mchanganyiko wako ili kupata juice safi

-Ongeza mafuta kidogo na asali kidogo tu (kulingana na kiasi cha juice yako)

-Baada ya kuosha nywele vizuri na shampoo paka steaming yako kichwa kizima kuanzia kwemye shina la nywele

-Baada ya hapo vaa kofia ya plastic au kaa kwenye steamer ili joto liingie vizuri na kufanya steaming iingie vizuri kwenye nywele

-Baada ya dk 45 hadi 1 hour osha nywele zako vizuri kwa maji ya baridi.

-Ukimaliza paka mafuta yako vizuri na Cream (shear butter) halafu unaweza suka style yoyote unayoipenda.

61. UMUHIMU WA KUFANYA SCRUB YA KICHWA (SCALP EXFOLIATION)

Scalp ni ngozi ya kichwa na hivyo ina tabia kama ya ngozi ya sehemu nyingine za mwili. Kama vile mtu anavokua na dead skin (ngozi iliyokufa usoni) ndio hivyo hivyo anaweza kuwa na dead skin kichwani pia. Ngozi ya kichwa ikizidiwa uchafu iwe kwa sababu ya kuto kuosha nywele vizuri au kuganda kwa mafuta au products nyingine za nywele na kutengeneza kitu kinaitwa Product build up (Pitia post No. 31 & 32) au dead cells kuziba hair roots na kushindwa kuzalisha ngozi mpya ni lazima ukuaji wa nywele zako ufifie.

SCALP EXFOLIATION
Hii inahusisha kutumia njia mbali mbali kuondoa dead skin kichwani, mafuta yaliyoganga (au extra sebum) na mba. Ni muhimu sana katika utunzaji wa nywele uwe na tamaduni ya kufanya scrub ya kichwa ili kupata nywele zenye afya, imara kuanzia kwenye shina na zinazong'aa vizuri. Leo tutaangalia njia rahisi sana ya kufanya scalp exfoliation nyumbani. Ni rahisi, nzuri na inatumia gharama kidogo.

MAHITAJI
-Sukari (natural /brown sugar) vijiko viwili vya chakula
-Kijiko kimoja cha mafuta  (Pure castor oil/coconut oil or olive oil)
-1/2 Apple cider vinegar au Limao
-Scalp massager
-Gloves (ukipenda)

JINSI YA KUTUMIA
-Saga sukari kwa blender au twanga kwa kinu kidogo cha viungo
-Changanya vyote upate kama paste hivi (scrub)
-Tumia vidole vyako au brash (scalp massager) kumassage ngozi ya kichwa ili kufanya scalp relaxation.
-Osha nywele vizuri kwa sulphate free shampoo
-Nywele zikiwa bado zina maji maji kidogo, kata mstari paka scrub kidogo
-Massage scalp yako taratibu kwa dakika 5-10 (tumia scalp massager au vidole)
-Fanya ivyo kwa kichwa kizima
-Baada ya kumaliza osha vizuri kwa maji ya baridi hadi uhakikishe hakuna particles za sukari zilizobaki.
-Baada ya hapo fuata LOC Method (leave in conditioner, oils, cream-shear butter)
-Halafu unaweza suka nywele za uzi (African threading method) ili kunyoosha nywele zako.

USITUMIE MOTO KUNYOOSHA NYWELE ZAKO

NB: Maji ya baridi husaidia kutunza mafuta ya asili kichwani (sebum)

60. UMUHIMU WA KUFANYA MASSAGE YA KICHWA (SCALP MASSAGE)

Scalp kama ilivozoeleka ni ngozi ya kichwa ambayo ndio inapokea nywele changa kabisa kutoka ndani. Scalp massage ina umuhimu sana katika ukuaji wa nywele na hata katika afya kiujumla japo wengi wamekua wakiipuuzia hii step katika utunzaji wa nywele. Scalp massage tunaifanya ili kupunguza tension, kuleta utulivu wa mawazo (relaxation) na kuleta wepesi wa kichwa. Hii inafanyika ukiwa umesuka, umebana nywele au hata ukiwa umeaschia.

JINSI YA KUFANYA
-Paka mafuta kwenye ngozi ya kichwa na kwenye mikono yako
-Sugua taratibu kichwani huku ukiwa umeinamia chini kama inawezekana (hii inachochea mzunguko wa damu kwenye nerves za kichwa) kwa muda wa dk 5.
-Siku ya kuosha nywele (HAIR WASH DAY) unaweza fanya massage na mafuta yako (carrier oils-castor oil, jojoba oil, coconut oil etc) kwa muda wa dk 3 halafu yaache kwenye nywele kwa muda wa dk 15-30 kabla ya kuosha nywele kwa shampoo au conditioner (hii inaitwa PREPOO)

UMUHIMU WA KUFANYA SCALP MASSAGE
-Ngozi ya kichwa ikirelax hata ukuaji wa nywele unakua kama invotakiwa na sio wa kusuasua.
-Ina hamasisha mzunguko mzuri wa damu kichwani
-Inasaidia kulainisha nywele na kufanya products ziingie vizuri na kufanya kazi vizuri
-Inasaidia kuimarisha shina la nywele (hair strands/roots)
-Inasaidia kulainisha ngozi ya kichwa
-Husaidia kuweka balance ya mafuta kichwani (Natural scalp sebum)
-Inasaidia kupata usingizi vizuri , kupunguza uchovu na maumivu ya kichwa.

NB: Hakikisha unakua na utaratibu wa kufanya scalp massage kila unapopaka hair product yoyote au unapofanya treatment yoyote ya nywele angalau kwa dakika tano tu at least mara tatu kwa wiki. Hii inafanyika kwa wanawake, wanaume na watoto pia.

59. KUMBUKA: BIDHAA PEKEE HAZIKUZI NYWELE

Kitu ambacho watu wengi wanaotunza nywele wanatakiwa kujua ni bidhaa pekee haziwezi kukuza nywele, hata mtu anunue bidhaa za gharama kiasi gani lakini kama hazitunzi vizuri nywele zake na yeye mwenyewe hajitunzi kiusahihi (kulingana na matakwa ya ukuaji wa nywele) basi itakua ni kazi bure tu. Bidhaa za nywele hazikuzi nywele lakini zinachofanya ni kudumisha nywele zisikatike, kuzifanya ziwe imara, kusupport, kuzishika nywele vizuri wakati wa kustyle, kuzifanya zing'ae vizuri na kuchanika vizuri nk lakini nywele zinakua kutokea ndani.

Hivyo ili nywele ziweze kukua na kuwa ndefu lazima uzingatie vitu viwili vya muhimu;

1. Nywele zinazoota (New growth) ziwe na afya na kukutana na mazingira mazuri ya kichwa.

2. Kuzuia nywele zilizopo kukatika (Lengh Retention).

MAMBO YA MUHIMU YA KUJIFUNZA

Nywele zinatoka ndani ya fuvu la kichwa (scalp) hivyo kitu kinachopakwa nje hakiwezi kufanya nywele zikue sana au vizuri. Hivyo nywele zinahitaji chakula kutoka ndani kwa kufanya yafuatayo;

-Kula mlo kamili

-Kuepuka stress/msongo wa mawazo

-Kunywa maji ya kutosha

-Kutumia hair supplements

-Kupata muda wa kutosha kupumzika

-Bidhaa zinazopakwa nje zinasaidia tu kusupport nywele ziendelee vizuri lakini kinachofanya nywele zikue vizuri ni mwenendo wa maisha ya kila siku. Kitu cha muhimu zaidi ni kutunza ngozi ya kichwa maana ndio inayopokea nywele fresh kutoka ndani.

-Bila kusahau nywele inakua kwa 0.5-1.5inch kwa mwezi inategemea na genes za mtu (biologically), hiyo ndio iko hivo huwezi kufanya zikue haraka zaidi ila kinachotakiwa ni kuzitunza zile zilizopo ili zisikatike

NYWELE NZURI NI MATUNZO.

58. UMUHIMU WA MAJANI YA MPERA (GUAVA LEAVES) KWENYE NYWELE

Majani ya mpera ni mazuri sana kwa ukuaji wa nywele hasa asilia (Natural hair) kwa sababu;
-Yana Vitamin B (Biotin ambayo ni nzuri sana katika ukuaji wa nywele) ya kutosha ambayo ipo pia kwenye brands kubwa za products za nywele; hapa wanainfuse biotin ili kuongeza effciency na effectiveness ya product. Biotin pia inapatikana kama supplement (zinamezwa) hii yote ni kufanya nywele kukua vizuri kwa kupata nutrients za kutosha.
-Yana vitamin C; hii inasaidia sana kwa sababu ni anti-oxidant na pia ni anti inflammatory (kuzuia kuwasha, kuvimba au maumivu in case umeungua na dawa na vinginevyo)

Majani ya mpera yanaweza kutumika kama steaming au leave in conditioner. Leo tutaongelea zaidi kama Leave in Conditioner (kuzipa nywele unyevu tu na ukitumia hauoshi tena).

FAIDA ZA MAJANI YA MPERA KAMA LEAVE IN CONDITIONER
-Yanasaidia kuilinda ngozi dhidi ya maradhi kama mba, fungus na infections nyingine.
-yanasaidia kurudisha rangi nzuri ya nywele (nyeusi) kama nywele ni nyekundu au zina mvi.
-Inasaidia nywele kukua vizuri na kuwa imara
-Inafanya nywele kuwa na afya.
-yanasaidia kuzuia nywele kukatika
-Pia ni gharama nafuu, ya asili kabisa (hayana chemicals) na ni rahisi sana kuyapata ukilinganisha na leave in conditioners za kununua.

JINSI YA KUANDAA
-Chukua majani malaini kama 10 hadi 20
-Weka kwenye sufuria na ongeza maji kidogo (lita moja)
-Funika na acha yachemke vizuri hadi yabadilike rangi kuwa kama chai ya rangi
-Baada ya dakika 5 ipua na uache yapoe.
-Baada ya kupoa weka kwenye spray bottle yako; utakua unazipa unyevu nywele kwa kutumia maji hayo halafu juu unapaka mafuta ukifuata LOC Method (Pitia posts zilizopita).

Pia unaweza kuchanganya na mafuta (Black castor oil, jojoba oil, coconut oil au olive oil; any of your choice) ili yaingie vizuri kwenye nywele.

NB: Maji hayo yanaweza kaa hadi wiki ukiweka kwenye fridge, otherwise ni siku mbili tu (maximum).

Pia ili kuona matokeo mazuri ya product yoyote ya nywele au ngozi ni lazima utumie kwa muda mrefu na kwa mpangilio unaotakiwa (consistency).

CONSISTENCY IS THE KEY TO GOOD HAIR.

57. JINSI YA KUZUIA NYWELE KUKATIKA OVYO

Nywele kukatika imekua ni kero kwa watu wengi sana; hasa kwa wanaojali muonekano wa nywele. Nywele zote hukatika (nywele asilia-Natural hair, na nywele zenye dawa-relaxed hair) lakini kiwango ca kukatika hutofautiana kulingana na vitu mbalimbali. Leo tutaangalia sababu za nywele kukatika na njia mojawapo (home made remedy) ambayo mtu yeyote anaweza kutumia na kuzuia nywele kukatika. Angalia mfano wa nywele ambazo hazikatiki zinavovutia.

SABABU ZA NYWELE KUKATIKA

-Matunzo duni

Hii ni pamoja na kukaa na nywele chafu, zenye vumbi au mba na kutozisafisha mara kwa mara.

-Kutumia chanuo au kitana chenye ncha kali

-Matumizi ya drier au moto mara kwa mara kukausha nywele zako.

-Stress/ Msongo wa mawazo

-Mabadiliko ya hormones hasa kwa wanawake waliojifungua, wanaonyonyesha, wanaotumia vidonge vya uzazi mpango na wale wenye umri mkubwa (waliofikia menopause stage).

-Ukosefu wa protein ya kutosha (kwenye mlo pamoja na kwenye steamings).

-Ujauzito ambao hupelekea mtu kuwa na stress ambapo wengi baada ya kujifungua tatzo huwa linaisha.

-Anaemia

SULUHISHO LA MATATIZO HAYO

-Muone daktari kwa matatizo ya stress (kisaikolojia)

-Tumia shampoo yenye virutubisho vya asili, isiyo na viambata sumu kama vile paraben, chumvi na sulphates.

-Hakikisha unapata mlo kamili (Chakula chenye virutubisho vyote ambavyo huchangia katika ukuaji wa nywele).

-Kunywa maji mengi na pata muda wa kutosha kupumzika.

NJIA MOJAWAPO UNAYOWEZA KUTUMIA KUPUNGUZA TATZO HILO

Hii inatumika kwa nywele za asili tu (ambazo hazina dawa).

MAHITAJI

🧚🏻‍♂️Tangawizi vipande 3

🧚🏻‍♂️Mafuta vijiko viwili

🧚🏻‍♂️Maji robo lita

JINSI YA KUTUMIA

-Chukua tangawizi isage ilainike vizuri

-Weka maji robo lita pamoja na mafuta ,hakikisha tangawizi iliyosagwa imechanganyika vizuri na maji yako .

-Chuja vizuri ,kisha paka kichwani hakikisha unapaka hadi kwenye ngozi ya kichwa..

-Vaa kofia ya plastic kwa saa 1 au zaidi

-Osha nywele zako vizuri kwa shampoo

-Tumia mara moja kwa wiki 2 kwa matokeo mazuri zaidi.

NB: Njia hii inazifanya nywele zako ziwe imara, nyeusi na ndefu zaidi.

56. UTUNZAJI SAHIHI NA BORA WA NYWELE

Leo tuangalie tips mbalimbali zitakazokusaidia kutunza nywele vizuri na kwa usahihi, ila kuwa na nywele nzuri sana na za kuvutia.

JINSI YA KUTUNZA NYWELE ZILIZOSUKWA

-Kusuka nywele style yoyote kuna tegemea na uwezo na aina ya  nywele zako;  kama una nywele  laini sana usisuke style za kubana na kizivuta sana  nywele zitakatika sana.

-Kabla ya kusuka nywele fanya STEAMING ili nywele zako ziwe na proteins muda wote utakaokua umesuka.

-Kama ngozi yako ya kichwa ni   kavu sana ambayo inanyonya mafuta kwa haraka; basi jitahidi sana kufanya hot oil treatment  kila siku ya kuosha nywele (WASH DAY) hii husaidia sana  kuhifadhi natural oils na kuipa ngozi ya kichwa na nywele unyevu kipindi ambacho nywele zinasukwa

-Usifumue na kusuka style nyingne hapo hapo ziache nywele zipumue kwa muda kidogo  halafu usuke tena, hapa waweza fanya "PROTECTIVE STYLES  TU”  kama twists au mabutu ya kawaida

-Usisuke nywele zako zikiwa chafu bali suka nywele zilizo safi, ambazo zimefannyiwa treatment na ambazo zina unyevu wa kutosha. 

-Andaa mafuta ya kukuza nywele BLACK CASTOR OIL  inashauriwa zaidi sababu ina unyevu wa kutosha na chakula chenye kuleta afya bora kwa nywele yako kipindi chote utakachokua umesuka kua unapaka mafuta nywele isikauke na pia kwaajili ya massage katika ngozi ya kichwa chako.

-SPRAY BOTTLE  ni muhimu sana kwa kuzipa unyevu nywele zako muda wote. 

-Usikae na nywele muda  mrefu maana zikikaa muda sana nywele itakua dhaifu na ukifumua utaona inatoka hivyo usipemdelee kukaa na nywele muda mrefu  sana

-Ukilala usiku lala na kofia au kitambaa cha SATINI ambayo ni muhimu sana, satin inasaidia sana kuzuia kukausha mafuta na pia mto usinyonye mafuta.

-Jiepushe  kukaa kichwa wazi kwenye jua kali, miale ya jua huharibu virutubisho na kukausha unyevu unaolinda nywele isiwe kavu na kusababisha ukavu mwishowe kukatika kwa nywele

-Ukiwa umesuka jiepushe na vumbi au uchafu wa aina yoyote ili nywele yako isipate uchafu ukiacha ipate vumbi nywele itaanza kuwasha wakati imesuka

-Hakikisha unamwambia msusi wako asiguse zile nywele za mbele zitakatika na huishia kukosa nywele za pemben kabisa/EDGES

NB: Jitahidi sana kufuata hizi hatua, jitahidi sana kunywa mani mengi, kula mlo kamili, kupunguza stress na kufanya kila kitu ambacho nywele zako zinahitaji.

55. MAKOSA YATAKAYOFANYA NYWELE ZAKO ZISIKUE HARAKA

Katika utumzaji wa nywele haswa nywele asilia, watu wengi hufanya vitu ambavyo wanaamini ni sahihi lakini kwa upande mwingine huwa sio sahihi. Leo tuangalie baadhi ya makosa ambayo mtu anaweza kufanya yakapelekea nywele zake kudumaa na hivyo kutokukua vizuri. Baadhi ya makosa hayo ni;

🧚🏻‍♂️ Kublowdry au wananyoosha nywele  mara kwa mara. Mtu akifanya hivi basi, ataziua nywele zake na zitaanza kukatika wakati wa kuchana au muda wowote. Hivyo kama unataka nywele zako kukua vzr inabidi upunguze kutumia vifaa kama hivi ili nywele zako zikue ( Hata kama umepaka dawa)

🧚🏻‍♂️Jinsi  nywele zinavoachiwa  na kuzistyle au kusuka  rasta, nywele za kawaida au kushonea weaving zinakubalika, ila ukizichana na kuzibana  nywele basi hapo inaweza kuziharibu au kuzikata nywele. Hivyo inatakiwa kuwa makini sana kwenye mitindo na styles za nywele zetu

🧚🏻‍♂️Kutokata  ncha baada ya muda, ncha zinaweza kuanza kuchanika na inabidi uzikate ili nywele zikue vizuri kwasababu ncha huchangia kwenye kusitisha ukuaji wa nywele na kukata nywele. Unaweza kukata incha1-2 au cm 2-2.5 baada ya miezi mitatu au minne.

Baaada ya kuona makosa yanayofanyika; Sasa tuangalie jinsi ya kukabiliana nayo.

MBINU ZA KUKUZA NYWELE HARAKA

🧚🏻‍♂️Inatakiwa kusuka  nywele zako mara kwa mara ilizisiharibike au zisikatike. Hivi utaweza hata kuzuia ncha zilizoharibika. Kama hujisikii kusuka nywele au kushonea weaving basi unaweza kuzibana kwa juu au kuzifunga na kitambaa ila ni lazima kitambaa kiwe cha silk ili nywele zako zisiharibike ( unaweza kukitumia hata wakati wa kulala)

🧚🏻‍♂️Inatakiwa  kupaka mafuta kwenye kichwa chako mara kwa mara, sana sana unapojisikia kama kichwa kimekauka au kama kinawasha. Mafuta mazuri kutumia kwa ajili  ya ukuaji wa nywele ni mafuta ya nazi, castor oil,  Moroccan, Jamaican au lavender. Ila hata mafuta mengine yeyote unayotumia ilayasiwe ya mgando

🧚🏻‍♂️Usizioshe  nywele na shampoo mara kwa mara kwasababu shampoo inaondoa mafuta kwenye kichwa na nywele zako. Basi, inabidi uoshe nywele na conditioner kama unaona nywele zako sio chafu sana, ila kama unaona nywele zako ni chafu basi osha na shampoo. Itakuwa bora ukipaka mafuta kabla ujaosha nywele na shampu na uoshe nywele zako kila baada ya wiki moja na kama zinakatika basi, osha baada ya wiki mbili au tatu.

🧚🏻‍♂️Kula  vyakula vingi vyenye protein kama kuku, mtindi, maharagwe au nyama yoyote.

🧚🏻‍♂️Kunywa maji ya kutosha.

NB: NYWELE NZURI AU NGOZI NZURI INATEGEMEA SANA MTINDO WAKO WA MAISHA (Life style)

54. JINSI YA KUFANYA NYWELE KUWA NYEUSI

Nywele nzuri ni matunzo na matunzo hayo yanajumuisha routines mbalimbali za kutunza nywele, kama kuosha nywele, kufanya steaming (steaming ya kawaida na Protein treatment), kuzipa nywele unyevu. Hivyo pale kimoja kinapopuuziwa lazima nywele zisikue vzr na kutokua na rangi nzuri ya kuvutia (NYEUSI); kitu ambacho kinawakera watu wengi sana. Leo tuangalie sababu kadhaa ambazo zinafanya nywele isiwe nyeusi na ya kuvutia.

🧚🏻‍♂️Kutopata mlo kamili na kutokunywa maji ya kutosha

🧚🏻‍♂️Nywele kukosa matunzo stahiki

🧚🏻‍♂️Kutumia bidhaa zisizofaa kwa nywele zako (bidhaa zinatumika kulingana na hair type)

🧚🏻‍♂️Msongo wa mawazo

🧚🏻‍♂️Kutumia dawa zenye kemikali kali (Relaxer)

Hayo hufanya nywele kukosa ule mvuto wake wa asili kabisa na kutopendeza, hivyo kuwakosesha  raha watu wengi sana wanaozingatia muonekano mzuri wa nywele zao.

Leo tuangalie procedure nyepesi tu inayoweza kuurudiaha muonekano wa nywele zao ndani ya muda mfupi sana, zikawa nyeusi na za kuvutia.

MAHITAJI

🧚🏻‍♂️Tui la nazi

🧚🏻‍♂️Mafuta kijiko kimoja (Black Castor oil, Coconut oil or Jojoba oil)

JINSI YA KUFANYA

🧚🏻‍♂️Chukua nazi iliyokomaa vizuri, kisha ikune kwa utaratibu ili utoe vipande vidogo vidogo na kuifanya iwe laini au unaweza tumia mbuzi au Coconut blender kukwangua nazinyako.

🧚🏻‍♂️ Weka maji kidogo na uchuje tui katika chombo kisafi, hakikisha unapata tui la kwanza likiwa zito kabla halijakatika.

🧚🏻‍♂️Osha nywele zako kwa maji safi yenye uvuguvugu mpaka uhakikishe hakuna mafuta wala uchafu ulioganda kwenye ngozi ya kichwa.

🧚🏻‍♂️Baada ya kufuta maji yote kichwani, chukua tui lako la nazi, anza kupaka kwa kuchambua nywele kidogo kidogo hadi uhakikishe zote zimekolea vizuri.

🧚🏻‍♂️Vaa kofia ya plastic au ingia kwenye steamer  au mfuko kwa muda wa saa moja kuliacha tui la nazi lifanye kazi vizuri kichwani. 

🧚🏻‍♂️Baada  ya hapo, osha nywele zako, kausha na upake mafuta mazuri kwa ajili ya nywele.

NB: Ukifanya  hivi kila wiki  nywele zako  zitaimarika na kuwa na afya kwa haraka zaidi. Njia hii inaweza kuwa rahisi kuliko zote kutokana na unafuu wake na upatikanaji wa nazi kwa kuwa kila mmoja anaweza kupata.

ITAENDELEA....

53. STEAMING NZURI INAYOKUZA NA KUJAZA NYWELE

MAHITAJI
🧚🏻‍♂️Parachichi nusu (inategemea na ukubwa)
🧚🏻‍♂️Black castor oil (mafuta ya mnyonyo) kijiko kimoja
🧚🏻‍♂️Ndizi iliyoiva nusu (au inategemea na ukubwa wa ndizi)
🧚🏻‍♂️Mafuta ya mzeituni (Olive oil) au mafuta ya nazi kijiko kimoja

JINSI YA KUANDAA
🧚🏻‍♂️Weka vyote kwenye blender saga hadi ilainike vizuri (kupata consistency nzuri),
🧚🏻‍♂️Baada  ya kuosha nywele zako sasa paka hyo steaming halafu vaa  kofia ya plastic (zile za kuogea) au kama una steamer ni nzuri zaidi.
🧚🏻‍♂️ Jifunge kitambaa ili joto lisitoke
🧚🏻‍♂️Kaa  dk 35 ukimalza hapo osha na maji safi.
🧚🏻‍♂️Paka  conditioner yako sugua sugua dk 5 baada ya hapo osha na maji ya barid.
🧚🏻‍♂️Baada ya hapo fuata LCO Method na kumalizia  na mitndo kinga.

NB: Kwa kawaida Steaming hufanywa kila wiki yaani kwa mwez mara 3 halafu Protein steaming (Protein treatment) mara 1 kwa mwezi au kila baada ya wiki 6

52. AINA ZA LEAVE IN CONDITIONERS

52. AINA ZA LEAVE IN CONDITIONERS
(Za kutengeneza nyumbani/Homemade/DIY)


1.COCONUT MILK LEAVE IN CONDITIONER
🧚🏻‍♂️Nazi ina proteins na Vitaminis inaongeza  uimara na kuchambuka vizuri kwa nywele ambazo zimeharibika kwa njia yoyote ile.

MAHITAJI
🧚🏻‍♂️TUI ZITO LA NAZI
FAIDA YAKE: Sio tu inatibu nywele kavu lakini pia ni kama Deep conditioner/Steaming inayoweka unyevu,kuimarisha nywele zako,inasaidia kulinda na kutibu nywele zinazokatika/kunyonyoka.
🧚🏻‍♂️VITAMIN E OIL
FAIDA YAKE: Husaidia kulainisha nywele,kung'arisha na inafanya kazi kama Preservatives katika mchanganyiko wako huu.
🧚🏻‍♂️LAVENDER ESSENTIAL OIL
Inatumika sana kwenye nywele inasaidia katika ukuaji wa nywele na mambo mengine mengi,hung'arisha nywele na inakupa harufu nzuri.

JINSI YA KUANDAA
🧚🏻‍♂️½ Kikombe cha Tui la Nazi zito (Coconut Milk)
🧚🏻‍♂️1 kikombe Maji (Unaweza Tumia Distilled water,maji maalumu huuzwa kwa kutengenezea vipodozi)
🧚🏻‍♂️1 kijiko cha chai Vitamin E Oil
🧚🏻‍♂️Matone 5 au 10 ya Lavender E.O

Chanya vyote pamoja  na uweke kwenye Pump Bottle tayari kwa Matumizi,

NB: Inaweza Kudumu hata miezi mitatu kama utatumia Distilled water na Ready Made Coconut Milk. Vinginevyo hifadhi katika fridge.

2. BUTTER CREAM LEAVE IN CONDITIONER
 Kuna butter cream tofauti tofauti ambazo zimeshatengenezwa tayari (Ready made)  mfano,Shea Butter,Mango Butter

MAHITAJI
🧚🏻‍♂️ Kikombe kimoja  cha Shea Butter
🧚🏻‍♂️Vijiko vi3 vya chai Mafuta ya Nazi
🧚🏻‍♂️Vijiko vi3 Aloe Vera gel/juice
🧚🏻‍♂️Kijiko ki1 cha Asali/Glycerine 1-2 kijiko cha chai (tsp)

JINSI YA KUANDAA
🧚🏻‍♂️Changanya Pamoja tumia kijiko/mwiko wa mbao,blender au hand mixer ili upate mchanganyiko mzuri (Consistency) na uweke kwenye kopo  lenye mfuniko.
NB: Inadumu muda mrefu tu kwa iyo unaweza tumia hadi mchanganyiko utakapoisha.

3. BAMIA/OKRA LEAVE IN CONDITIONER

MAHITAJI
🧚🏻‍♂️Bamia  changa/teke 3
🧚🏻‍♂️Maji  kikombe kimoja
🧚🏻‍♂️Mafuta yotote (Carrier Oils-mfano Coconut oil, jojoba oil, Castor oil nk) matone 10

JINSI YA KUANDAA.
Kata bamia,weka maji yako chemsha kwa dk 10,halafu  acha ipoe ,chuja upate gel ya bamia ongeza na mafuta matone machache na Utumie.
NB: Shelf Life/ inaweza kukaa hadi wiki 3 ikikaa kwenye fridge. Vinginevyo ni siku moja tu